የሰው ትክክለኛው መስፈርት

የሰው ትክክለኛው መስፈርት

እንደ ዛፍ መግዘፍ፣

ሠውን አያደርገውም ከፍ፣

ጭራሽ እንደዋርካ

ለሦስት መቶ ዓመታት

በስፋት ተንሰራፍቶ፣

በመጨረሻ መውደቅ

ደርቆ፣ ተራቁቶና አርጅቶ!

በግንቦት ወራት፣

በ’ላንድ ቀንዋ ሊሊ

በጣም ብልጫ አላት!

አመሻሹ ላይ ብትደርቅም

የብርሃን አበባና ተክልናት!

በምጥንም መስፈርት፣

እናስተውላለን ውበት!

ክትት ማለት፣ ሲሆን መስፈርት፣

ግሩም ሳይሆን ይቀራል ህይወት ?

(በቤን ጆነሶነ፣ትርጉም ዓለም ኃይሉ)

 

Advertisements

It is in your head

            It is in your head

Fish not in your pocket

Seeking for contentment,

For up on getting broke

Your optimism

Could go up in smoke!

 

Burry not your head

In the sand,

For it is in your head

Enjoying a seedbed

Bliss roots send!

 

Read and write

Write and read

If possible

Craft an artifact,

For it is a new dimension

And a diversion

That might not have come

To your attention!

 

Also look around

When flowers spread  wings

Coming out of the ground!

(By Alem Hailu)

 

 

ከጋብረቻ በፊት

              ከጋብረቻ በፊት

እሱ     አዎ፣ በመጨረሻ መጠበቁ አድካሚ ነበር!

እሷ     እድሄድ ትፈልጋለህ?

እሱ     የማይሆን ነገር ነው ጭራሽ እንደዛ አታስቢ!

አሷ     ትወደኛለህ?

እሱ     በደንብ ደጋግሜ ደጋግሜ!

እሷ     ደርበህብኝ ታውቃለህ?

እሱ     በጭራሽ ለምን አንደዚህ አሰብሽ!

እሷ     ትስመኛለህ?

እሱ     በአገኘሁት አጋጣሚ ሁሉ!

እሷ      ትመታኛለህ?

እሱ      አብደሻል እንደዚህ አይነት ሰው አይደለሁም!

እሷ       እምነት ልጣልብህ ?

እሱ       እሺ!

እሷ        የኔ ፍቅር!

 

           ከጋብቻ በኋላ (ከታች ወደላይ አንብቡት)

እውነትና ንጋት እያደር ይጠራል!

                             እውነትና ንጋት እያደር ይጠራል!

 አበበ እደእድር ኩባያ አጠር ደንደን ያለ በወጣትነት ማገባደጃ የእድሜ እርካብ ላይ ያለ ዓይነ-ግቡ ሹፌር ነው፡፡ቀልድ አዋቂና ቀና ስለሆነ በሚተዋወቃቸው ሠዎች ልብ የሆነ ክፍል ለመከራየት ጊዜ አይወስድበትም፡፡አድማ የገቡ ይመስል ችግሮች ተጠራርተው በጭንቅ የሾህ አጥር በሚከቡት ወቅት እንኳን የነገሮችን ከንፈር የሚያስፈለቅቅ ገጽታ የማየት ዝንባሌው አይከዳውም፡፡ተረብን በተመለከተ ደሞ እራሱን እንኳን ስለማይምር ለዛ አጥቶ አያውቅም፡፡አቤ የመሰለውን ከመናግር ስለማያፈገፍግ ከቤታቸው ጣራ ስር ዲሞክራሲ ከሚያራምዱ ቤተሰቦች እንደመጣ  ለመመስከር ብዙ እርቀት መጓዝ አይጠይቅም፡፡ግና እዲህም ሆኖ አቤ አልፎ አልፎ ጠላት አላጣም፡፡

የዛዕለት ጠዋት በማለዳ እንደ በረዶ ምላጭ የሚቆርጠውን ቅዝቃዜ ለመቋቋም የሹራብ ኮፍያና ጓንት አንዳጠለቀ ቀበሌ የሚያሳድረውን ሚኒባስ ታክሲ አስነስቶ ከካሳንችስ ወደስድስትኪሎ ለመሳፈር ወረፋ ይዘው ከተደረደሩት ታክሲዎች ጋር ተቀየጠ፡፡ ተሳፋሪዎች እየተንጠባጠቡ ስለሆነ የሚመጡት ተራው እስኪደርስ የፔርሙዝ ሻይ እየጠጣ የሚወደውን ብስኩት እየገመጠ ከረዳቶች ፣ከሹፌሮችና ከተራ አስከባሪዎቸ ጋር ለመጨዋወት ከታክሲው ዱብ ከማለቱ ከአንድ ሆቴል ግድግዳ ስር በቀይ ጃንቦ ማርከር ነጫጭ ክርታሶች ላይ በግሩም የእጅፅሁፍ የተከተቡ ማራኪ ጥቅሶች ዘርግቶ

‹‹አለ ጥቅስ፣ ምርጥ ጥቅሶች በ5 ብር ብቻ!››እያለ

በሰለለ ድምጽ የመንገደኞችን ቀልብ ለመሳብ የሚጥር ሥጋቅብ የሆነ የጎልማሳ የግዙኝ ጥሪ

‹‹ስድስት ኪሎ የሞላ፣ ስድስትኪሎ›› ከሚል የረዳት ድምጽ ጋር ተቀላቅሎ ጆሮው ገባ፡፡ሣያስበው እግሩ ወደዛ መራው፡፡ጥቅሶቹን ገረፍ ገረፍ አድርጎ ከሥራ ባልደረቦቹ ጋር ለመቀላቀል ነበር ያሰበው፡፡ያለምክኒያት እቃዎችን መግዛት ገንዘብ ማባከን ነው የሚል አቋም ሥለነበረው ይህን ሲቀብሩት ያመለጠ የሚመስለውን ሥራ ፈጣሪ በትብብር እንኳን ጥቅሶቹን እገዛዋለሁ ብሎ አላስበም ነበር፡፡ከተራ አስከባሪዎቹ አንዱ ድምፁን ዘለግ አድርጎ

‹‹አቤ ቁርስ ልቀቂብን ጭንቄሽን አታጨናንቂ! ከመቼ ጀምሮ ነው ደሞ ምሁር የሆንሺው?›› ሲል ሌሎቹ በሳቅ አጀቡት፡፡

‹‹የጭንቄ ድሁር ከመሆን አይሻልም!›› አበበ ሲመልስ አንድ ሸምገል ያሉ ሹፌርና ሌላ ተራ አስከባሪ ፈገግ አሉ፡፡አበበ የሥራ አጋሮቹን ለመቀላቀል እንዳኮበኮበ ነበረ የመጨረሻዋን ጥቅስ ያነበባት፡፡ይህች ጥቅስ የሚኮሰኩስ ስሜት ልቡ ውስጥ ጫረችበት፡፡ከመስማትም ከማየትም ዓለም ተገንጥሎ ጥቅሷን ለደቂቃ አነበባት፡፡ከሱሪው ኪስ አስር ብር አውጥቶ ከፍሎ ጥቅሷን ከልቡጋ ጥብቅ አድርጎ ይዞ መልስ ለመቀበል ሳይጨነቅ ታክሲ ውስጥ ዘሎ ገብቶ ጋቢና ምቹ ሥፍራ አስቀመጣት፡፡

‹‹ውሸትን መናገር አደገኛ ነገር ነው፡፡እውነትን መናገር ግን የበለጠ አደገኛ ነገር ነው!›› ነበር ጥቅሷ የምትለው፡፡ከጥቂት ወራት በፊት የዘመዶቹን ታክሲ በቅጥር መልክ ማሽከርከር ትቶ በአንድ የመንግስት መሥሪያቤት በሹፌርነት ተቀጥሮ ለመስራት ሞክሯል፡፡ግን ከእውነተ ውጪ መናገር ባለመደበት ምላሱ ምክኒያት የንጹሀንን ካባ በለበሱ ሙሠኞች የግፍ በትር ዘንቦበት ከስራ ተገፍትሮ ወጥቶ ነበር የታክሲ ሹፍርናን ዳግም የተቀላቀለው፡፡አቤ ጥቅሷን የታክሲው ጋቢና ውስጥ የተለየ ቦታ እያስቀመጦ ሲነካካት የሱ ረዳት ሆኖ የሚሰራው ረጅሙና ሲያወራ አጁን ማወናጨፍ የሚቀናው ሸምሱ መኪናውን ከፍቶ ሠዎችን ማስገባት ሲጀምር ዘለግ ያለ ጢም ያላቸው በኮት ላይ ጋቢ የደረቡና የጠመጠሙ ወጣት ቄስ ጋቢና ውስጥ እመር ብለው ገብተው መስቀል እንደያዙ

‹‹ደና አደርክ ልጄ? ምስካዬ ዙና መድሃኒአለመ አየሄድኩ ነው፡፡ ታክሲያችሁ ወዳዛ ይዘልቃል አይደል?›› ሲሉ

አበበ ጠጋ ብሎ ተሳልሞ ‹‹አዎ አባ ከዪኒቨርሲቲው ትንሽ ከፍ ብሎ አወርዶታለሁ!›› አለ

‹‹ ተባረክ ልጄ!››

‹‹አባ?››

‹‹አቤት››

‹‹ይህችን ጥቅስ አይዋት? ደስ አትልም!›› አላቸው

ከጦርሜዳ መነጽር የማይተናነስ የቀንድ መነፅር  ከደረት ኪሳቸው አውጥተው ጥቅሱን በጥንቃቄ ከአነበቡት በኋላ

‹‹ይገርማል ልጄ ከየት አገኘሓት ባክህ?›› ብለው

‹‹ሠዎች አውነትን ለጊዜው ሊቀብሯት ይቸላሉ እስከነአካቴው ሊያጠፏት ግን አይቸሉም!›› ሲሉ፡፡

አቤ ጥድፍ ብሎ ‹‹እውነትና ንጋት እያደር ይጠራል አይድል የሚባለው!››አለ፡፡ ቄሱ በመስቀላቸው ቁልቁል እያሳዩ                  ‹‹እውንትን መቶ ሜትር አርቀው ቢቀብሩዋት›› መስቀላቸውን ሽቅብ ይዘው

‹‹ጊዜው ሲፈቅድ እራሷን ለመከሰት የሰከንድ ፍልጥላጭ አይፈጅባትም፡፡ምክኒያቱም እግዚአብሔር እውነት ነው እውነትም እግዚአብሔር!›› ሲሉ

ሽምሱ ቀበል አድርጎ ‹‹እውንትን ተናግሮ የመሸበት ማደር አይደል ከባህላቸህን የወረስነው!›› አለ ጠቋሚ ጣቱን እያወዛወዘ፡፡

አዲስ ለገቡ ተሳፋሪዎች ጥቅሷን እንዲያዞር እቤ ለሸምሱ ምልክት አሳይቶ አቀበለው፡፡ሑሌ በዚያ ሰአት በዚህ ታከሲ ወደአምስት ኪሎ ዩኑቭርሺቲ የምታቀና የሲቪል ምህንድስና ተማሪ የሆነች የደምገንቦ ወጣት በክርኗና በደረቷ መሃል አንብቦ ሳይሆን ገልጾ ለመጨረስ የሚያስፈራ ዳጎስ ያለ መጽሐፍ፣ በትከሻዋ ደሞ ግልገል ሻንጣ ሊባል የሚችል ቦርሳ አንጠልጥላ ሁለተኛው ረድፍ ላይ ቁጭ ብላ የሚያውሩትን በንቃት ትከታተል ስለነበር

‹‹የጨለማ አይጥ ከመሆን የብርሃን እርግብ መሆን ይሻላል!›› ስትል          

ሸምሱ ጓደኞቿ መታስቢያ እያሉ ሲጠሩዋት ይስማ ሥለነበር ‹‹ልክነሽ መቲ›› ብሎ  ትከሻዋን መታመታ አደረጋት፡፡ ውይይት ቀመሱ ወሬ ስለጣመው ሸምሱ ተሳፋሪ ወርዶ ለመጥራት ብዙ ጥረት እያደረገ አልነበረም፡፡አቤም ልቡ ያረገዘውን ሕመም የሚረዳለት ሰው ይሻ ስለነበር ሸምሱን ሊጫነው አልፈቀደም፡፡ይልቅ ፊቱን ወደተሳፋሪዎቹ አዙሮ

‹‹ለምን መሰላችሁ ይሕን ጥቅስ የገዛሁት?›› ብሎ ያወጋችው ገባ

‹‹ከአንድ ዓመት በፊት የሆነ የመንግሰት መስሪያቤት በሹፌርነት ተቀጥሬ አሰራ ነበር፡፡የመሥሪያ ቤቱ የሥነ-ምግባር ክፍል በሙስና ዙሪያ የግንዛቤ ማስጨበጫ ስብስባ ይጠራል››

 ‹‹አሺ?›› አሉ ቄሱ ጢማቸውን እየላጉ፡፡  ምንም አንኳን ታክሲው ተሳፋሪ የተራበ ቢሆንም ሸምሱ በሁለት ልብ ወጣ ገባ እያለ‹‹ስድስት ኪሎ፣ ስድሰት ኪሎ የሞላ!›› እያለ ተሳፋሪዎችን ለመሳብ ጥረት ያደርግ ነበር፡፡

ባለሙያዎቹ ስለሙሥና ምንነት፣ ስለመገለጫ መልኩና ስለአስከፊነቱ ማብራሪያ ከሰጡ በኋላ ሠራተኞች በቡድን በቡድን ተከፋፍለው በመሥሪያቤቱ ውስጥ የሚስተዋለውን የሙሥና ችግር በተወካዮቻቸው በኩል አንዲያቀርቡ በአራትቡድን ከፋፈሉዋቸው፡፡ሠራተኞቹ በለሆሳስ አስተያየታቸውን አሰባስበው ከቋጩ በኋላ በተወካያችው በኩል በመሥሪያቤቱ ውስጥ የሚስተዋሉ ሙስናዎችን በተመለከተ ያጠናቀሩትን ወጥተው አቀረቡ፡፡የሶስቱ ቡድን ተወካዮች መሥሪያቤቱ ውስጥ እንደሥራ ማጓተት፣ የሥራሰአት ማባከንና በዘመድ የመሥራት የመሳሰሉ ችግሮች እንዳሉ ሲያስረዱ አራተኛውና የተለያዩ የክፍል ሓላፊዎች የያዘው የሹማምንት ቡድን ግን መሥሪያቤቱ ውስጥ ምንም የሙሥና ችግር እንደሌለ አቀረበ›› አቤ ሲል

የደም ገንቦዋ የዩኒቨርሲቲ ተማሪዋ መቲ ፈገግ ብላ እያየችው

‹‹ሥንት ሰዎች ነበር ቡድኑ ያካተተው?››

‹‹አምስት›› ሲል

‹‹እዚህ ጋር የአመክኒዮ ችግር ያለ ይመስለኛል፡፡በአምስት ሠዎች ችግር መኖሩን ማሳየት ይቻል ይሆናል፡፡ግና በአምስት ሠዎች ብቻ አንድ መሥሪያቤት ውስጥ ችግር የለም ለማለት አይቻልም፡፡ደሞስ በሑኔታው ደንዝዘው አንደሆነስ፡፡››አለች፡፡

ሸምሱ እጁን እንደገና አወናጭፎ‹‹ ትክክል! ዘመናዊ የሽታ መከላከያ የማይጠቀም ቄራ አከባቢ የሚኖር ሰው ቄራ ይሽታል ወይ ቢባል አይሸትም ነው የሚለው፡፡ልክ እነደዚህ ደንዝዘው ይሆናል!››

ቄሱ ጺማቸውን አየላጉ አቤን ቀጥል በሚል መንፈስ አዩት

‹‹አስተያየት መስጫ መድረክ ሲከፈት ድምጽ ማጉያውን አፈፍ አድርጌ ‹መኪናዎች በየጊዜው ይበላሻሉ፡፡ ጋራዥ ይገባሉ ፡፡ተሰሩ ተብሎ ይወጣሉ፡፡ ጥቂት ሳይሰሩ አንደገና ይበላሻሉ፡፡መኪናዎቹ የት ጋራዥ አንደሚገቡ ምን አይነት መለዋወጪያ እንደሚገጠምላቸው መጣራት አለበት!› አልኩ››

‹‹ጎበዝ ጎበዝ!›› አሉ ቄሱ አንደገና ቀጥል በሚል አተያይ

‹‹ከጎኔ የተቀመጠች የህትመት ክፍል ሠራተኛ ድምጽ ማጉያውን ተቀብላ የጫርኩት እሳት ላይ ቤንዚል አፈሰሰችበት፡፡›› አቤ ፈገግ ብሎ‹‹ እየተውረገረገች እላችኋለው፣በውድ ዋጋ የሚገዙ ክብደታችው ከ80 ግራም በታች የሆኑ፣ የፎቶኮፒ ማሽን የማይስባችው፣ ብዙብናኝ ያላችውና ማሽን የሚያበላሹ ወረቀቶች ችግር እየፈጠሩብን ነው፡፡›› ብላ ወደአራተኛው ቡድን አባላት ፊቷን አዙራ

‹‹የሬንጅነት ባህሪ ያላቸው ቀለሞች ደሞ የታለመላቸውን ግልጋሎት አለመስጠት ብቻ ሳይሆን ማሽኖቹን ከጥቅም ውጪ እያወጡዋቸው ነው፡፡ በኪሳራላይ ኪሳራ እያደረሱ ነው፡፡ ‹በእንቅርት ላይ ጆሮደግፍ!› ይሏል ይህ ነው! የትላልቅ እቃዎች ግዥ ደሞ ምን ያህል ኪሳራ ሊያመጣ አንደሚችል ጠንቋይ መሆን አይጠይቅም ፡፡››አለች

ሥብስባው አልቆ ከመበተናችን፣ ለአስተዳደር ክፍሉ ቅርበት ያለው የሹፌሮች አለቃ ምክኒያት ለመግለጽ ሳይጨነቅ ቁልፍ አንዳስረክብ ፀሃፊዋን ላከብኝ፡፡

‹‹ይገርማል ብልህን ብትመክረው በብልሃት ላይ ብልሃት ይጭምራል፡፡ሠነፍን ብትመክረው ግን ይጠላሓል አይደል መጥሀፉ የሚለው›› አሉ ቄሱ

‹‹ከሣምንት በኋላ በሙከራ ቅጥር ወቅት አመርቂ ውጤት እንዳላስመዘገብኩ ተገልጾ ያለምንም ማስጠንቀቂያ በሰባተኛው ወር ከስራ መሰናበቴን የሚገልጽ ደብዳቤ ተሰጠኝ!›› አበበ በረዥሙ አየር ስቦ

‹‹አቤ ብዙ ብትታትርም ብዙ መግፋት አልቻለችም!››ብሎ ፈገግ አለ፡፡

መቲ‹‹ሴትየዋስ? የመስሪያ ቤቱ የሥነምግባርና የፀረሙስና ክፍል አንዴት የህግ ከለላ አልሰጣችሁም?›› ብላ ከፊቷ ያለውን ወንበር በቁጭት መታችው፡፡

ከላይ ውሃ ሰማያዊ ሹራብ ከታች ሰማዊ አላባሽ ያለው ዩኒፎርም የለበሱ ሶስት ተማሪዎች ጥግ ላይ ተቀምጠው ወሬው ስለጣማቸው ጆሯችውን አንቅተው ያዳምጣሉ

‹‹ሴትየዋ የህትመት ክፍል ሓላፊዋ ለቃ ስለነበር የርሷ ቦታ እንዲሰጣት ጠይቃ ነበር፡፡››

‹‹እሺ?››

‹‹ከርሷ የትምህርት ደርጃ በታች የሆነና የሷን ግማሽ ልምድ የሌለው ሰው አምጥተው አስቀመጡባት!››

‹ ‹‹እለቃለሁ!› ስትል ነበር፡፡ አስተአሁን ግን አላገኘኋትም›› ቄሱ አቤ ለእውነት የከፈለውን መስዋእትነት በመረዳት በሃዘኔታ መንፈስ እያዩት

‹‹አይዞህ ልጄ እግዚአብህር በነብዩ ላይ አድሮ በኢሳያስ 33፡15-16 ላይ ‹በጽድቅ የሚሄድ ፣ቅን ነገርንም የሚናገር፣ በሽንገላ የሚገኝ ፣ትርፍንም የሚንቅ፣ መማለጂያ ከመጨበጥ ዕጁን የሚያራግፍ፣ ደም ማፍስስን ከመስማት ጆሮውን የሚያደነቁር፣ ክፉንም ከማየት አይኖቹን የሚጨፍን ነው፡፡እርሱ ከፍያለ ቦታ ይቀመጣል፡፡ጠንካራ አምባ መጠሪም ይሆናል፡እንጅራውም ይሰጠዋል፡፡ውሃውም የተመነች ትሆናልች፡፡› ይላል ሲሉ››

ሸምሱ ቀበል አድርጎ በኛ ቁራን ላይም በምእራፍ 2 አንቀጽ 188 ላይ ‹ሃጢት በሆነ መንገድ ማለት በመስረቅ በማጭበርበር ንብረታቸሁን አትበላሉ፡፡ የሌላውንም ሃብት ለመብላት ለዳኛ ጉቦ አትስጡ!› የሚል መልእክት አንዳለ ሼክ አጎቴ ሲያስተምሩ ሰምቼአለሁ አለ፡፡

‹‹ልክ፣ ፈጣሪ የሚያወግዝው ድርጊት ነው!›› ቄሱ ሲሉ

ሸምሱ ቱሪሙዚ በዘገቡት ሃዲሳችን ደሞ ሰለላሁ አላሂ ወሰለም ‹‹ ‹አላህ ጉቦ ተቀባዩንም ሰጪውንም ረግሟል!› ብለዋል›› አለ፡፡

አንድ ነፍሰጡር ሴት ስለገባች መቲ ወደኋላ ወንበር አፈግፍጋ ቦታ ለቀቀቸላት

ሴትየዋ‹‹ ብሩክ ሁኚ!›› ብላ በጭንቅላት ጭምር አመሰገነቻት፡፡ አቤም መሪውን ይዞ ታክሲውን አስነሳት፡፡ ዪኒፎርም ለብሠው ከገቡት ተማሪዎች አንዷ

‹‹በሥነ-ምግባር ትምህረታቸን ላይ ሙስና እኛንና ሐግራችንን ስለሚገድል እነድንጸየፈው ትምህርት ይሰጠናል!››ስትል ጓደኛዋ ቀበል አድርጋ

 ‹‹ቲቪ ስከታተል ጠቅላይ ሚኒሰቴር መለስ ነፍሳችውን ይማራቸውና ሀገራችን አንድ አማራጭ ነው ያላት የኪራይ ሠብሳቢነት አርንቋ ውስጥ መዘፈቅ ወይ አረንቋውን ማድረቅ ነው ብለው ህዝቡ ሙስናን በመድፈቅ ትግሉ አውራ ተዋናኝ እነዲሆን ጠይቀዋል!› አለች፡፡

 ነፍስጡሯ ሴት

 ‹‹ሙስና ይጠፋል ብላችሁ ነው ?የትም ዓለም አለ፡፡ምናልባት እንቀንሰው አንደሆነው እንጂ ልናጠፋው አንችልም!›› አለች፡፡

‹‹የነብዩ ሳሙዔል ልጆች በብሉይ ኪዳን በሙስና ተወግዘዋል፡፡እንደአባታቸው መሆን ሲገባቸው ክብራቸውን ለብር ሸጠዋል፡፡ሙሰኛ ከብሩን ያጣል፣ ተቀባይነቱን ያጣል፣ በመጨረሻ ይተፋል ይረገጣል፡፡››  ቄሱ ዳግም ድምጻቸውን ከፍ አድርገው ሲሉ

ነፍሰጡሯ ‹‹መንግስት ባስቀመጠው የጊዜገደብ ካርታ አወጣለሁ ብዬ ክፍለከተማ ሄጄ ነበር፡፡ ለካርታ ማውጫ የተጠየኩተን ገንዘብ ከፍዬ በቀጠሮዬ ቀን ካርታ ለማውጣት ሲሄድ አንድ ቅን ያልሆነ ሠራተኛ

 ‹ፋይልሽ ጠፍቷል!› አለኝ

 ‹መንግስት ባለበት ሀገር እንዴት ፋይል ይጠፋል?› ብዬ ተጯጬሄ፣ ተከራክሬ አለቃው ጋር ገብቼ ፋይሌን ከደበቀበት አውጥቶ ሰጠኝ፡፡

መቲ ‹‹ጉቦ ፍለጋ ነው ፋይል ጠፋ የሚሉት?እነዲህ አይነት ቋንቋ አይገባኝም፡፡

‹ፋይሉ አልተገኘም!› ቢሉ እንኳን ያስኬዳል፡፡ተፈራርመው አይደለም እንዴ ፋይሉን የሚቀባበሉት!››

 ‹‹አንጃላቸው!›› አለ ሸምሱ፡፡

ነፍስጡሯ ሴት ‹‹የሆኑ አዛውንት አንድ መሐንዲስ መሬታቸውን ገምሶ ከጎረቤታቸው ካርታ ጋር አንደቀላቀለባቸውና የት ሄደው አቤት አነደሚሉ ግራ እንደገባቸው ሲያወሩ  ሌላ ቀና ሴት መሃንዲስ ስለአካሄዱ ስታማክራቸው አይቼአለሁ፡፡››ስትል

 ቄሱ ‹‹ለካ ቀናዎችም አሉ!›› ሲሉ

ነፍስጡሯ ‹‹አንዴታ ብዙ በስርአት የታነጹ  አሉ፡፡ግን ምን ያደርጋል አንድ ስኒ ጋዝ አንድ በርሜን ውሃ ውስጥ ቢገባ ቃናው ይጠፋል?››አለች፡፡

ሸምሱ ‹‹ትክክል!›› ብሎ እጁን አወናጭፎ ሂሳብ መሰብሰብ ውስጥ ገባ፡፡

መቲ‹‹ አዎ በመንግስት ግንባታ ወቅት አንዳንድ ኮንትራክተሮች ከተቆጣጣሪው መሃንዲሱ ጋር በመመሳጠር ከደረጃና ከስፔሲፊኬሽን በታች የሆነ ህንፃ ወይ መንገድ ይሰራሉ፡፡ተቆጣጣሪው መሃንዲስ እንዳይጫናቸው ተጨማሪ ደሞዝ ይመድቡለታል፡፡›› ስትል

ሸምሱ በረዳቶች ቋንቋ ‹‹እንባ አንዳይሖን ማለት ነው?›› አለ፡፡ መቲ በመቀጠል

‹‹በተለይ ከመሬት በታች በሚቀበሩ ሥራዎች ብዙ ደባ ነው የሚሠራው›› አለች፡፡

ሸምሱ ‹‹ይቀሽባሉ! የሚንጠባጠብ ውሃ ከተደቀነ በርሜን ይሞላል፡፡ባለፈው ቃሊቲ ማረሚያ ቤት ሄጄ አንዱን በመሬት አስተዳደር ዙሪያ ለአርባዓመት የሚሆን ሃብት ያግበሰበሰ የክፍለከተማ ሃላፊ ‹አልጠግብ ባይ ሲተፋ ያድራር እንደሚባለው!› አርባ አመት አከናንበውት አይቼ አለሁ፡፡ ››አለ

 መቲ‹‹ ቦታ ያጣብባል? የሱን ችግር ለማጣራት ሀገሪቷ ብዙ ወጪ ታወጣለች››

ሸምሱ‹‹ገንዘቡን አስተፍተውታል!››

ነፍሰጡሯ‹‹ይህን ጉዳይ በሬዲዮ ሰምቼዋለሁ ይብላኝ ለናቱና ለሚስቱ ከልጆች ቀለብ እየቀነሱ ስንቅ እየቋጠሩ ማረሚያ መመላለስ!››  ዪኒፎርም ካደረጉት ተማሪዎች ሶስተኛዋ

‹‹ ቻይናዎች ‹ይገርማል ሰው እዴት ከሃገሩ ይሰርቃል ሌላ ሃገረ አላቸው አንዴ?›ይላሉ›› ስትል ሁሉም ሳቁ፡፡

አራትኪሎ አካባቢ እንደደረሱ አበበ ሞባይሉ ስትጮህ ሰምቶ ቁጥሩን ሲመለከት በፊት በሹፌርነት ይሠራበት ከነበረው መስሪያቤት እንደሆነ አይቶ መኪናውን ወደአንድ ጥግ አስጠግቶ አነሳት፡፡

‹‹አቶ አበበ ዳግም?››

‹‹አዎ አበበ ነኝ፡፡››

‹‹አቤ እኔ ነኝ፡፡ እውነቱ ነፀረ ነኝ፡፡ ከቢሮ ነው የምደውልልህ፡፡ከሥነ-ምግባርና ፀረ-ሙስና ክፍል!›› አበበ ልቡ እየመታ

‹‹እሺ!›› ወደተሳፋሪዎቹ ዞሮ  የሚያወራው እዳይሰማ ስልኩን ይዞ ‹‹ከበፊቱ መስሪያቤት ነው!›› ብሎ ሁሉም አንዲሰሙ

ሞባይሉን ላውድ ላይ አደረገው ‹‹የአንተን ጉዳይ አንስቼ ከፌድራል ፀረ-ሙስና ኮሚሺን ጋር በመተባበር‹የህግ የበላይነት እንጂ የግለሰቦች የበላይነት በመሥሪያቤታችን መስፈን አንደሌለበት ትግል አድርጌ ወደሥራ መመለስ እዳለብህ ተወስኗል፡፡ከነገጀምሮ ስራ መጀመር ትችላልህ፡፡ ከሠአት የሥ-ነምግባርና የፀረ-ሙሠና ትምህርት ሥላዘጋጀን መረጃ ለሚያቀብሉን ከለላ እንደምንሰጥ  ምስክር ስለምትሆነን ውሳኔውን ይፋ ስለምናደርግ ብቅ ብትል፡፡››

‹‹አረ በደስታ!›› ብሎ ሞባይሏን ዘግቶ

 ‹‹ ወደ ሥራዬ ልመለስ ነው ! የሁላችሁም ገድ ቀንቶኛል!››ሲል

‹‹አውነትም፣ ‹አውነትና ንጋት እያደር ይጠራል!›ግን የዛ ምሰኪን ጥቅስ ፀሃፊ ፈላስፋ ገድ ነው ይበልጥ የቀናህ!›› ሸምሱ ሳቀ

ሎቸም በሳቅ ሲያጅቡት አቤ ፊቱ ወደ ፀሐይ ጮራነት ተቀይሮ ታክሲዋን አስነሳት፡፡

 

 

ባልቴቷ ሱሳን

ባልቴቷ ሱሳን

ሱሳን  ሁሌ ሥራዋን ሰራርታ፣

ሲሻት እፎይታ፣

ትቀመጣለች ወፈር ያለ

ሻማ አብርታ፣

ባለግሩም መአዛውን

የማታ አየር በደንብ ለመሸመት፣

መስኮቷን አርጋው ከፈት!

ቦታው እንዳይጠፋባት

አልባ በአውራጣት

ተመስጦ በሚስተዋልበት

ኮስታራ ፊት

እየተደመመች ታነባለች

ዓይኗ እንደ ሸማኔ መወርወሪያ

ከዚህ ወደዛ ፣ወደዚህ ከዚያ

በመፅሃፉ ላይ  እያደረገች ሸርተት ፣

ሻማዋን ንፋስ እየታገላት!

በዛ ኮሽታ አልባ ፀጥታ፣

ይሰማል በለሆሳስ ስትናገር፣

የሆነ ነገር!

ወይ ጭንቅላቷን ነቅንቃ ስታበቃ

‹‹ምን አይነት ናችሁ፣

እንዴት እነደዚህ ታደርጋላችሁ!››

አይሰማም ምንም ድምፅ

ከሩቅ ሥፍራ አውራ ዶሮ ካልጮኽ

ወይ ወረቀት ሲገለፅ!

በትልቁ መነፅሯ ልታይ ዙራ

ሥፍራውን ማትራ

ሽበት ቀመስ ጭንቅላቷን

እየነቀነቀች ወደኔ እያየች

‹‹አንተ ገና አልተኛ ህም ?››ትለኛለች

ዳግም ወደ መፅሃፏ ተመልሳ

በሰመመን እራሷን ልትረሳ!

(በዋልተር ዲላ ሜር፣ ትርጉም ዓለም ኃይሉ)